Sunday, June 2, 2013

Hong Kong Life Triathlon Championships 2013

由於去年已通過了自己本業上的一個公開試, 終於可以再次全情投入三項鐵人.

這場比賽是我2013年第二場鐵人賽, 於科學園舉行. 賽事有很多新手, 而且單車賽道比較短, 所以要繞七圈! 這種平路賽道沉悶, 不象新娘潭有起有落, 很易令人精神上疲累起來. 所以數錯圈, 炒車, 經常發生.
賽事地圖

賽事是半程賽, 750米游泳, 20公里單車, 5公里跑步. 於單車賽段, 我踩左三個圈後, 轉過轉折點B後不遠處, 前方車群炒車. 單車不是我地強項, 追不到車群很蝕底. 但今次就避過一劫.

全程完成時間1小時15分59秒.

  • 游泳 00:15:29
  • T1 00:02:15
  • 單車 00:35:00
  • T2 00:01:28
  • 跑步 00:21:49
比賽當日, 成績係第六. 當時都有少少錯愕, 心諗有無咁多勁人呀? 不過佢只係有完成時間, 無分段, 就算有錯都唔會知. 而且今次比賽轉左TIMING CHIP唔知, 以為仲用緊早前比賽用的可靠系統, 所以都諗唔會錯卦?!

但星期一遲遲無出成績, 我估計應該係出了問題. 星期一晚出了成績, 發現我組別第四, 第五都有出錯! 雖然最後鐵人會都更正了成績, 但其實當天覆檢一下成績, 就知第四名一定有錯, 不用17分鐘跑完五公里? 在香港的業餘水平, 有少少常識都知無可能罷! 而且事後得知, 鐵人會因為價錢問題, 沒有用比較可靠的計時系統, 所以出事了. 多年來都支持鐵人會的比賽, 有比賽都先參加總會搞的賽事, 但他們的表現著實令人失望!

No comments:

Post a Comment